Vatn, avløp og renovasjon (VAR)
VAR-avdeling
Avdelingsleiar: Svein T. Furuhaug, tlf.: 91 51 86 10
Rådgjevar: Øystein Tårneby, tlf.: 99 28 78 80
Rådgjevar: Grethe Sollien, tlf.: 32 08 50 69
Driftsleiar VA: Nils Egil Vedvik, tlf.: 99 28 78 78
Avdelinga har fylgjande ansvarsområder
- Drift av kommunale vassverk og avløpsrenseanlegg.
- Slamtømming av private avløpsanlegg og renseanlegg. Tømming vert utført av Telemark Transportservice AS
Vakttelefon: Telemark Transportservice AS - 959 84 903 - Renovasjon vert utført av Hallingdal Renovasjon
Ål kommune har 5 godkjenningspliktige vassverk og 2 mindre anlegg.
Vassverka vert drevne etter internkontroll og prosedyrer godkjent av Mattilsynet.
Vatnet tilfredsstiller dei strenge krava i «Forskrift om vannforsyning og drikkevann» (Drikkevannsforskriften).
Vatnet på Sundre og Torpo har ph på ca 8,0 og alkalitet ca 1,0, og hardheit på ca 4,0 dH (tyske hardheitsgrader).
Dersom du ynskjer nærare informasjon om kjemisk samansetjing av vatnet kan du ta kontakt med Nils Egil Vedvik
Meir informasjon om vatn og vassforsyning: vannkunnskap.no
Små endringar i vasskvaliteten
Vatnet kan endre noko farge, lukt eller smak i perioder. Det er likevel trygt å drikke, med mindre vi melder om noko anna.
Har du klager på kvaliteten på drikkevatnet eller på trykket, kan du kontakte:
Dagtid kl. 09:00 - 13:00: Servicetorget på tlf. 32 08 50 00
Kveld og helg: Vakttelefon VA 992 87 901
Vakttelefon for tømming av slam og tette tankar: 959 84 903
Varsling om endringar i vassforsyninga
Vi informerer på Ål kommune sine nettsider og/eller varslar på telefon med SMS til berørte innbyggjarar ved følgjande hendingar:
- Når vi stenger vatnet grunna vedlikehald og lekkasjar
- Dersom vasstrykket blir endra
- Ved kokeanbefaling av drikkevatnet
VA-norm
Standard abonnementsvilkår for vatn og avløp
Vassprøver privat brønn
Dersom de har privat brønn og ynskjer å sjekke kvaliteten på vatnet, kan de hente prøveflasker på servicetorget. Kostnad på analysen må betalast av den enkelte.
Analyse av vassprøver frå private brønner kan avtalast med til dømes:
Vassdragsovervåking
Det er gjennomført felles overvåking av Hallingdalsvassdraget siden 1999. Overvåkinga omfattar Usta, Hemsila, Hallingdalselva og Krøderen, og har vore eit samarbeid mellom kommunane Hol, Ål, Hemsedal, Gol, Nes, Flå og Krødsherad.
Rapport for vassdragsovervaking Hallingdal
Vassprøver - analyseresultat
Renseanlegg - analyseresultat
Badevassprøver
Avløp
Ål kommune har eit biologisk-kjemisk kloakkrenseanlegg, 3 fysisk kjemiske og eit infiltrasjonsanlegg. Anlegga vert drifta i samsvar med Forureiningsforskrifta.
Tilkopling til ledningsnettet vatn og avløp ( sanitærabonnement ) skjer etter søknad, av ansvarleg rørleggjar.
Vi har ei eige kontor for private avløpsanlegg og vassdrag:
KAV - Hallingdal, Kommunalt avløpstilsyn og vassområde Hallingdal
Nærare opplysningar vedrørande abonnement på vatn, avløp, slamtømming og renovasjon får du ved å ta kontakt med Grethe Sollien eller Øystein Tårneby
Skjema for tilkopling til kommunalt avløpsanlegg finn du her
Oljeutskiljar
Slamtømming
KAV - Hallingdal (Kommunalt avløpstilsyn og vassområde Hallingdal) administrerer denne tenesta
Entreprenør: Telemark Godslinjer- vakttelefon 959 84 903.
Forskrift om tømming av avløpsanlegg inkludert tette tankar og bestemmingar om betaling av gebyr, Ål kommune, Buskerud
Forskrift om vass- og avløpsgebyr, Ål kommune, Viken
Forskrift med kommentarar og rettleiingstekst
Forskrift for avfallsbehandling
Abonnement
Nye og/eller endring abonnement kontakt med drift- og vedlikehaldsavdelinga Øystein Tårneby eller Grethe Sollien
Gebyr
Vi har årlege gebyr på fastledd og tilsynsgebyr.
Det blir fakturert for tømming når tømming er utført.
Ekstra slamtømming
For bestilling av ekstratømming ta kontakt med Telemark Transportservice AS - vakttelefon 959 84 903. E-post: [email protected]
Merk at ekstratømming utover vanleg køyrerute utløyser eit ekstra gebyr i tillegg til ordinær tømmepris. Det er ôg forskjell på "nødtømming" der tanken er så full at den må tømmast straks, eller om ein ynskjer ei ekstra tømming når bilen er i området.
Utanfor plan/ekstratømmingar = kr. 1760,- Nødtømmingar = kr. 4660,-
Eksempel prisar 2026:
Alle prisar er utan mva.
Nødtømming av tett tank på hytte 4m3:
| Pris pr. m3 kr 380,-: | 1520,- | |
| Behandling 270,- x 4: | 1080,- | |
| Oppmøtegebyr: | 4660,- | |
| Totalt |
7260,- + 15% mva |
Ekstratømming av tett tank på hytte 4m3:
| Pris pr. m3 kr 380,-: | 1520,- | |
| Behandling 270,- x 4: | 1080,- | |
| Oppmøtegebyr: | 1170,- | |
| Totalt | 3770,- + 15% mva |
Ekstratømming slamavskiljar hytte 4m3:
| Pris pr. m3 kr 380,-: | 1520,- | |
| Behandling 270,- x 4 | 1080,- | |
| Oppmøtegebyr: | 1170,- | |
| Totalt | 3770,- + 15 % mva |
Vassmålar
Alle næringseigedomar og offentlege bygg som er knytt til det kommunale VA-nettet i Ål, skal ha installert vassmålar.
For bustader og hytter er dette førebels frivillig. Der det ikkje er installert vassmålar, fastset kommunen eit stipulert vassforbruk.
Kort fortalt målar vassmålaren det faktiske vassforbruket ditt og dannar grunnlaget for utrekning av årsgebyr for vatn og avløp. Dette vert gjort gjennom à konto-betaling, som er ei form for forskotsbetaling basert på forbruket året før.
Det gjennomsnittlege vassforbruket per vaksen person i Noreg er om lag 60 m³ per år. På fakturaen vil desse forbruksgebyra vere oppførte som Akonto vatn og Akonto kloakk. På eigedomar som berre er tilknytt kommunalt avløpsnett, vil det berre vera Akonto kloakk som avløpsgebyr, i tillegg til fastledd og eventuelt andre gebyr.

Biletet ovanfor viser eit døme på fakturerte gebyr for ein einebustad som er tilknytt det kommunale VA-nettet og har vassmålar med prisar for 2026.
Ein gong i året hentar vi inn målarstanden frå vassmålaren, og den innbetalte forskotsbetalinga (à konto) vert avrekna mot det faktiske forbruket.
Dersom du har brukt meir enn du har betalt inn, vert du etterfakturert.
Har du brukt mindre, får du beløpet tilbakebetalt. Forbruket kan sjølvsagt endre seg frå år til år, til dømes ved eigarskifte eller dersom talet på personar i husstanden endrar seg.
Vatning av plen og hageanlegg vil òg påverke forbruket.
Eit godt tips er å lese av målaren fleire gonger i året. Då kan du oppdage endringar i forbruket og eventuelle vasslekkasjar tidleg.
Dersom du ser at forbruket vert høgare enn det forskotsbetalinga dekkjer, kan du kontakte kommunen for å få justert à konto-beløpet.
Gjeldande à konto-beløp finn du på fakturaen for dei kommunale gebyra, og historiske årsavlesingar kan du sjå ved å logge inn på MinEigedom.

Samanlikning av bueining utan og med vassmålar
Nedanfor har me laga ei samanlikning av gebyr for bueining over 80 m² BRA (2026-prisar)
Alternativ 1: Utan vassmålar (stipulert forbruk)
| Gebyr | Beløp eks. mva |
| Vatn-fastledd | kr 1757 |
| Vatn - stipulert forbruk | kr 5361 |
| Avløp - fastledd | kr 2955 |
| Avløp stipulert forbruk | kr 5412 |
| Sum eks. mva | kr 15 485 |
| Mva (15%) | kr 2322,75 |
| Sum inkl. mva | kr 17 807,75 |
Alternativ 2: Med vassmålar (akonto 80 m³)
Pris per m³
- Vatn: kr 35,74 per m³
- Avløp: kr 36,08 per m³
| Gebyr | Utrekning | Beløp eks. mva |
| Vatn - fastledd | kr 1757 | |
| Vatn - forbruk | 35,74 x 80 m³ | kr 2859,20 |
| Avløp - fastledd | kr 2955 | |
| Avløp - forbruk | 36,08 x 80 m³ | 2886,40 |
| Sum eks. mva | 10457,60 | |
| Mva (15%) | kr 1568,64 | |
| Sum inkl. mva | kr 12026,24 |
Differanse
| Eks. mva | Inkl. mva | |
| Utan vassmålar | kr 15485 | kr 17807,75 |
| Med vassmålar | kr 10457,60 | kr 12026,24 |
| Innsparing | kr 5027,40 | kr 5781,51 |
Oppsummert:
Eksempelet viser at ei bueining over 80 m² BRA med vassmålar og eit årleg forbruk på 80 m³ vil betale om lag kr 5 782 mindre per år (inkl. mva) enn ei tilsvarande bueining med stipulert forbruk.
Installasjon og pris
Installasjonskostnaden vil variere frå hus til hus, avhengig av det eksisterande røyranlegget og kva tilpassingar som må gjerast.
Ta kontakt med ein røyrleggjar som kan gi deg ein nøyaktig pris.
Vassmålaren som røyrleggjaren installerer, er kommunen sin eigedom.
Du betaler berre leige for målaren. Prisen for leige av vassmålar går fram av gebyrregulativet.
Eventuelt vedlikehald og rutinemessig utskifting av målaren blir dekt gjennom dei årlege vatn- og avløpsgebyra.
Avlesing av vassmålar
Avlesing av vassmålaren vert gjort ein gong kvart år. Abonnenten les av målaren etter å ha motteke SMS eller digitalt avlesingskort, og sender inn målarstanden innan ei fastsett frist.
Dei nyaste vassmålarane er digitale og har funksjon for fjernavlesing av målerdata, men denne funksjonen vert ikkje teken i bruk før i 2027.
Det betyr at både for analoge og digitale vassmålarar må abonnenten sjølv melde inn målarstanden til kommunen.
Ved innmelding av målarstand skal berre dei svarte tala før kommaet førast opp. På eldre vassmålarar skal dei raude tala ikkje takast med. Etter at du har lese av og sendt målerstand på SMS vil du motta kvittering på SMS. Dersom avlesinga er korrekt utført, vil du få melding om at forbruket er registrert. Skulle du ha gjort ein feil (for eksempel at du har skrive tekst) vil du få melding om å lese av på nytt/sende inn på nytt.
Dersom du skal reise bort heile desember, kan du lese av målaren før du reiser og sende inn målarstanden når du får SMS. Du kan også sende e-post til kommunen.
Hugs å oppgje gards- og bruksnummer samt adressa til eigedomen.
Dersom avlesing av vassmålaren ikkje vert utført til fastsett tid, eller dersom målarstanden ikkje vert meldt inn til kommunen, vert årsforbruket stipulert.
Kommunen kan eventuelt sjølv velje å lese av forbruket for abonnenten si rekning (avlesingsgebyr). Avlesingsgebyret vert fastsett av kommunen og går fram av gebyrregulativet.

Nyttig informasjon for røyrleggjar
Vassmålarane som kommunen nyttar, kan hentast på Tingstugu.
Ved utlevering må ein oppgje namn, adresse og gards- og bruksnummer. Røyrleggjaren skal òg fylle ut eit digitalt registreringsskjema
Registreringsskjema for vassmålar
Etter montering sender røyrleggjar bilete av installasjonen samt bilde med synlege tall av vassmålaren.
Forskrifter
Renovasjon
Hallingdal Renovasjon står for innsamling av avfall i Ål kommune.
For meir informasjon eller ved klager, ta kontakt med Hallingdal Renovasjon på telefon 32 08 61 10 eller Servicetorget i Ål kommune 32 08 50 00.
Fleire opplysningar om renovasjonsordninga og levering av avfall finn du på Hallingdal Renovasjon si nettside (www.hallingdalrenovasjon.no)
eller tlf. 32 08 61 10
Fritak for renovasjon
Felles retningslinjer for Hallingdal og Krødsherad
Sektorutval for teknisk, næring og ressurs behandla saka i møte 24.09.2013, saksnr 84/13.
Heimel om fritak ligg i § 5 andre ledd i forskrifta for Forskrift for avfallsbehandling for Ål kommune.
Forskrifta er vedteke av kommunestyret i Ål 17.02.05, sist endra 20.12.12.
Vedtak fatta etter desse retningslinene er enkeltvedtak og kan påklagast ihht klagereglane i Forvaltningslova.
Generelt gjeld at det skal betalast gebyr for bueiningar som er definert i §2 i forskrifta og etter desse retningsliner. Når bueining på eigedomen/ matrikkeleininga har rom for kvile (sengeplassar) og det er mogeleg å lage mat (kjøkken/sjølvhushald) vert han rekna som bueining.
Bustader
Kommunen kan gje fritak for fylgjande:
a)
For bustader som har leilegheit/ hyblar, men vil gå over til å nytte heile huset til eige bruk, kan ein søkje kommunen om fritak frå renovasjonsordninga.
b)
Ikkje i bruk/fråflytta
For bueining som abonnenten kan dokumentere at ikkje har vore i bruk i minimum 6 månader, kan ein søkje kommunen om fritak frå renovasjonsordninga/gebyrplikta. Føresetnaden er normalt at bueininga ikkje er bebueleg eller ikkje er i bruk grunna langvarig opphald på institusjon eller den er mellombels fråflytta.
Dette kan mellom anna innebere (ikkje uttømmande liste)
- at den byggtekniske tilstanden er svært dårleg
- at vesentlege installasjonar som varmekjelde/eldstad/straum er fråkopla.
- langtidsopphald på sjukeheim
- at bustaden ikkje er i bruk i ein lengre periode.
Dette skal kunne dokumenterast.
Eigar av bustaden pliktar å melde frå til kommunen om bustaden vert teken i bruk i fritaksperioden og fritaksgrunnen opphøyrer.
Ved innvilga fritak blir søppeldunkar henta av Hallingdal Renovasjon.
Heimekompostering
For husstandar som heimekomposterer alt matavfall/ organisk materiale vert det gitt ein reduksjon i avfallsgebyret under fylgjande forutsetningar:
- Minst ein person i husstanden skal ha gjennomgått komposteringskurs.
- Det skal nyttast ein isolert og lukka type kompostbinge som er godkjent av Hallingdal Renovasjon IKS.
- Det skal opprettast skriftleg avtale med kommunen der ein forpliktar seg til å kompostere alt matavfall/ organisk avfall heile året, og kommunen skal ha tilgang til å ta stikkprøver.
- Den enkelte må sjølv ta kontakt med kommunen for å iverksetje ordninga.
Hytter, stølar og fritidsbustader
Generelt gjeld at det skal betalast renovasjonsgebyr for hytter, stølar og fritidsbustader som definert i § 3 i forskrifta. Kommunen kan gje fritak for fylgjande:
a)
Ubebueleg
Når hytte, støl eller anna fritidsbustad kan dokumenterast å vere i så dårleg forfatning at det ikkje er bebueleg. Dette kan mellom anna innebera (ikkje uttømmande liste):
- at den bygningstekniske tilstanden er særs dårleg
- at vesentlege installasjonar som varmekjelde/straum/eldstad er fråkopla
Ved handsaming av søknaden kan kommunen krevje dokumentasjon.
Generelt om fritak
Som hovudregel gjeld fritaket for renovasjonsgebyret frå tidspunkt for vedtaket og minimum 6 månader med maksimal tidsavgrensing på 12 månader.
- Det kan i særskilte tilfelle gjevast fritak for ein lengre periode enn 12 månader, opptil 36 månader.
- Det er ikkje mogeleg å få fritak/ reduksjon for sesongbasert eller liten bruk av bueining. Anten er ei bueining i bruk eller ikkje.
- Eventuelt fritak skal vere knytt til eigedomen, og kan ikkje gjevast av sosiale eller økonomiske grunnar knytt til abonnementet.
Vasskjelder
På Nasjonal grunnvannsdatabase kan du finne nyttig informasjon. Databasen gir informasjon om brønnar og grunnvannsressursar, samt tilgjengelege vannkvalitetsdata og rapportar.
Sist endra: 19.11.2026